Nagdungan me sa pagpanlakaw ni Pareng Isyot, Sk ug Roxie padulong ilang Tibo agi'g tuman sa gipamulong ni Biokong samtang siya nagpaabot sa iyang Kalipay. Kapin ug dul-an sa dyes minutos namong baklay padulong sas pinuy-anan nilang Tibo ug sa kapikas niini nga Mae(Mae or May? asa gani ana ang imong asawa bai? hahahaha).. Sa pag-abot gyud dayon namo sa ilang pinuy-anan nga daghan nang mga taw daan.. nga mao sab akong nahibud-ngan ug nakapahingangha dili lang nako lakip na sa akong mga kauban. Dili man gud kasarangan nga ingon niini kadako nga selebrasyon ang mahitabo kung mag birthday na gani si Tibo. Kasagaran kami-kami rang managbarkada ang magsaulog pero karon ubay-ubay nga kapamilya sa iyang kapikas ang tua pud sa balay ug ubay-ubay nga kabanay ni Tibo ang tua didto pero sa higayon sa among pag-abot nagstorya-storya nalang sila ug ang uban nagkalingaw ug tan-aw sa mga hulagway sa miaging pagsaulog sa ilang sagradong kaminyuon atubangan sa altar ug sa bagang mga taw isip saksi sa ilang bug-os nga panagminahalay. Misantop sa akong huna-huna nga wala na diay kontra ani sa pakals ug takulahaw lang mitingog ang akong tiyan tungod sa akong nahuna-hunaan nga kumbate lamesa.. hahaha.. Hukad dayon gamit ang gihatag ni Mae nga basiyo sa plato ug bali dayon sa gusok sa inasal baboy ug langkat sa panet... paksit!
Samtang kami seryoso sa pagmaneho sa sud-an si Roxie, nagkalingaw pud ug panguha ug litrato namo sa samang higayon nagmandar nga magpaapil xa ug langkat ug panit, "kanang crispy hon".. sus.. ug dili palang lagi lab... hahahaha.. ang humba, ang sinugbang mamoy, ang lumpia ug ang minudo.. habwa! Dali ra kaayo ming nakasugod ug kaon nga nagtapok sa usa ka lamesa ug abtik pud kaayo nga naka abi-abi namo ang birthday boi pinaagi sa pag-abli sa botelya sa softdrinks nga gipashomoyan ug straw.. Pipila na ka minutos ang nilabay sa among pagkaon-kaon dalang istorya-istorya si Biokong kalit lang miabot sa usa sa among mga nahisgutan pero si Biokong mismo ug iyang Kalipay... bawwww langggg... asa gibutang sa mga anghel sa langit nga wala man gihapon miabot didto.
Busy na ang selebrant ug kinuntakay sa mga niingon nga moadto pero wala pa gihapon miabot. Ug hangtod nga mikaon nalang si Roxie sa akong bahin sa salad una pa mibutho ang dagkog singot nga si Biokong ug iya Kalipay, nasaag diay! BANGAS KA!!!! Sa gipamulong ni Joy nga sayon ra kuno kaayong tultulon ang pinuy-anan nilang Tibo ug nganong nakalimtan ni Biokong nga sige naman xa ug adto... baraw sa ha.. sige lang siguro ug pananghid pero walay adto-adto... UG asa diay kaha to xa sa higayon nga iyang gamiton ang ngalan ni Tibo sa pagpananghid... hmmm... makapaduda ni dah. hahaha away ni ron.
Tataw nga gutom kaayo ang pares... layo-layo gyud diay to ug gisaagan.. hahaha.. maayo gani kuno ug naka U-Turn ug wala mosaylo paingon sa grahianan kuno.. hahaha
Si Roxie padayon gihapon sa iyang pagpanguha ug hulagway hangtod sa pag abli sa gihukad sa birthday boi nga "TS & TD".. tiaw muna.. mao na ang ipa inom sa imoha, Tanduay Superior ug Tanduay Dark... kaulion ko pagkita nako sa Tanduay Dark oi ug maayo nalang gani kay ang Superior ang nauna kay naka hugas pa ug Red Horse kay kun ang Dark pa ang unang naabli mura ug adto ra gyud ko ato makatulog sa gawas ilang Tibo. hahaha... Sa wala madugay.. sayop diay.. sa taas nga oras nga milabay ug sa dugay kaayong miabot... miabot ra gyud ang bestfriend sa selebrant... si Tangkag ug ang iyang partner nga si Lulu.
Hangtod nga gisugdan na pag tagamtam ang mahait nga ilimnon. Nagkurom na ug ang uban nagsugod na sa pagkanta-kanta ug sayaw-sayaw. Istorya sa nagkadaiya gikan sa paugnat sa kusog ngadto sa pakatawa ug ngadto sa pangpamilya, pangmanag-tiayon ug istorya sa sagol nga topic nga paugnat sa kusog sa manag-tiayon. hahaha.. maayo man kaayo si Tibo ani. Syempre! minyo na gud siya ug sa matag adlawng dominggo nga magduwa xa ug basketbol sa gym niabot gyud ang higayon na gisirad-an ang gym pero sige man daw gihapon xa ug duwa ug basketbol... sa balay nalang nila, tingali.
Pero akong nabantayan ang usa sa sekreto ni Tibo, walay labot ang alas dos sa hapon magduwa xa sa ilaha ug basketbol. Dili pabentaha si Tibo sa pagtubil bah.. Mao nga gamay'ng langas sa makina e tune up dayon.. Abtik kaayo nga naka Carb Reload si Tibo kay tan-aw niya taas taas man gyud ni ug lahutay tagaya..
Naglahutay gyud ug dugay ang tagay apil ang kaon-kaon kay misantop naman sa oras nga ang uban nga bisita ug ang mga kapamilya sa tag-balay midisidir na sa pagpamauli. Kami sab, nakadisider nga mobiya na sa among pwesto kay mabalhin me didto sa layu-layo dyutay sa bintana sa silingan kay nagkalawm ang gabie nagkakusog ang tingog.. dili ba kaha tungod sa kamingaw o tungod ba kaha kay loaded na ug alcohol unya nagkabungol na ang mga gainom maong dagko na kaayo ug tingog mang istorya. hahaha
Hangtod nga gisuwayan namo pagkontak si Tatay pero ang unang niabot ang pinakagahi nga demand kuno ug tinidor nga dili mabawg.. kanang gahi nga tinidor! wahaha si Epol. Si Tatay nga gikan duty wala na mihapit sa ilaha ug diretso na sa ilaha Tibo kay aron lang gyud dili mapakyas nga makatambong siya sa maong kalihukan ug nagdala si Tatay ug back-up, si Siga Gamay aw Siga Dako diay kay mas dako man siya bisan manghod.
Dili malilong nga sa lahutay ang mga nang giinom nangaluray.. Mga mata nangadubok na ug tingog nalang ang lagsik!
Sa sunod tuig napud ta magsaba-saba sa ilaha! ^_^
