Kasagaran ug magtapok na gani ug mag-inom na ta, lisod na kaayong bungkagon unya ug naa man galing mouli nga usa, mag-iyahay na sab. Mag agad-agad raman gud sa kauban mao nga bisan ug husto na sa karga, na hala, tubil lang gihapon ug usahay gani nga bisan misantop na sa pag bulwak sa kinaon ug sa nainom inig human ug pang tutho sa nahibilin nga mumho sulod sa alingagngag... tagay lang gihapon.
Resulta?? HANGOVER!!!
Pangutana, kahinumdom pa ba ka kanus-a ang katapusan nimong binuntagay o bino tagay? Giunsa nimo pag-uli atong higayona? Nganong naa kay gamayng samad o pangos pagmata nimo? Kana tanan pwede kaayo nga malikayan gawas sa sungog ug hulhog sa barkada!
Ang sungog sa barkada walay tambal kay mao na gyud na sila o ang sakto nga pagkasulti kay ingon ana naman gyud mo o TA. Unya ang solusyon ana niya kay ang pagdawat ra gyud ug katawa bisan gamay nga kudlit sa imong aping ug baba nga nagpaila nga nikatawa ka, payts na! Bisan paman gani ug taphaw o hilaw nga katawa, solbad na ang kantsyaw! Ahahahahaha!
3. Ayaw ug tagay nga wala ka nakahab-hab. Ayaw ug patuo nako kay diba sama nako ug sa akong mga amigo, "bali nang kibot moh" o di ba kaha, "suka ka ug apdo". Usa pa sab, ang sumsoman dili na xa para kaon, para sumsoman ra gyud na.. Ang matabang ana nimo kay maganahan lang ug samot nga moinom kay makapauhaw mana siya sama sa mani o cracklings o di ba kaha boy bawang. Kaon gyud ug tarong nga kaon o panihapon, kay maluoy pud ka sa imong atay ug tinae.
2. Usa ra ka klase nga ilimnon. Kani ay, maayo kaayo ta ani. Moingon man dayon nga "hard" una dayon "washing" beer. Unya kung apiki gyud kaayo, magtagay ug bino unya himuong chaser ang beer. Perting kutawa sa tiyan ug sa utok inig kahuman, unya inig sakit na gani sa ulo, moingon dayon nga katapusan ko na kining pag inom ug ilimnong makahubog. Butangi!!!!! Maayo gani kay dili kadungog atong ginikanan nga maoy matagbaw ug limpyo sa imong sinukahan kay ug makadungog pa, matay.... labing siguro ug moingon gyud.. EEEELLLLLAAAAADDDDDD! Atika pa gyud imong kaugalingon dong! Hahahahaha!
Naa pay lain ay, unang tagayon Gilbey's, inig hurot ky gamay nalang ang kwarta, Kwatro Kantos(GSM) dayon unya mobalhin pa gyud ug Tanduay 5 Years kay wala na gyud kuno'y madawdaw sa pitaka ug bulsa, moingon pa nga, "bisan e antog pa ko nimo wala na gyu'y mobagting nako" inig human kay dili paman gyud matagbaw ug wala pa sab maigo sa bidlisiw sa adlaw moingon dayon ug mangutang ta ug Red Horse para washing. Hahahahaha! Karaana!!! Resulta???? HANGOVER!
Solusyon ana. Pagsugod palang ug alanganin ang kwarta ayaw nalang ug ipadayon sunod adlaw nalang o di ba kaha kay duna man gihapon tay intensyon nga magpahubog Red Horse nalang tanan tutal mangutang man gihapon ta. Hahahahaha!
1. Ayaw katulog diritso inig abot sa balay. Kung mahimo ug kung makaya ayaw ug katulog diritso aron ang imong lawas dunay igong oras nga mohilis sa alcohol nga imong nainom kay ug matulog kana dili na makaya sa imong lawas kay mohinay naman ang pangksyon, mao nang inig mata hubog lang gihapon ka o HANGOVER gihapon ka.
Pero kay Prevention is better than cure man, mao ni angay buhaton inig human ug tagay.
Kaon ug saging o itlog(scrambled, fried or boiled) sa dili kapa matulog. Ang saging o itlog usa sa mga makaon nga dunay kapabilidad nga mo tabang pagpakalma sa imong tiyan ug paghupay sa alcohol nga imong nainom. Mas maayo ni siya nga mokaon ka daan kumpara sa inig naa naka'y hangover mo kaon ini.
Pero kay samtang naglakaw paingon sa pinuy-anan hapit naman mawagtangan sa saktong panimuot ug ang uban adto nalang matulog sa ilang giinoman, mao nga nahala antos lang gihapon ta ani sa HANGOVER inig sunod nga adlaw!
