GOODBYE mga FRIEND!

usa ka buntag sa hapit na motakdo ang takna para sa pagpaniudto.. nagkatapok me ni Tibo ug Sk didto sa lingkuranan sa among tugkaran. ubay-ubay pud ang among mga nahisgutan pero ang dili gyud mawala sa akong panumdoman mao ang pangutana ni tibo namo human sa among hisgot hisgot mahintungod sa iyang nagsingabot nga kaminyuon..

nagkanayon siya nga, "makalaag pa kaha ko bai noh?"

"pangutan-a siya" mubo nga tubag ni sk.

wala ko makatingog pero dali nga nisulod sa akong huna-huna, nga wala man siguro'y problema ang paglaag.. ang angay nimong hinuktokan, kung pwede pa ba ang mga illegal mo lakaw. hahaha

hinuon, dugay na nga nasayod me sa gihimo mong pagbarog sa imong pagkalaki.. gani daghan nang nangalukmoy sa imong mga kalaki gamit ang nagbarog mo.. aw, unsa ba.

magamit na gyud sa pinakataas nga andana ang kahinite nimo sa pagplano ug pagbahin bahin sa oras mo.

pero ug kung ako ang pasultihon kay hagbay raman nga nahurot ang akong bilib diha nimo.

pwede ra gyud kaayo nga ang mga okasyon nalang sa atong tribu ang dili nimo sipyaton pag adto.

sama adlawng natawhan, tanang pasko, (pagkabanhaw, pagkamatay, pagkahimugso), adlaw sa minatay ug kanang mga championship sa mga patay ug uban pang mga okasyon.. pero ang ako lang kay nakahisgot raba ka namo sauna(ambot lang ug kahinumdom paba ang uban nga naa atong higayona) niingon man gud ka ato nga ug naa ray okasyon mo dili magkuan. ako lang sad ug nakahimo naka ug imong kalendaryo nga wala gyud bisan usa ka okasyon nga nakalista didto.

hahaha.. ma goodbye man siguro ang imong mga gipaila sa imong mahimong asawa nga friend ra to sila pero kaming mga legal mo'ng higala magpabilin... duna man galing kay higala nga nakapundar na ug ngalan sa pagka legal nga higal pero sa dili lang nato mapanglantawan mobutho ra sab to sila ug kalit usahay magdala ug pahalipay sama sa gift certificate sa chowking kanang promo bah... usahay sad kanang ang mga "promo" gyud nila iyang himuong pahalipay pero kasagaran gud kuwangon ra niya. unya kana si Tibo, pilian raba na iyang gusto nga kung sobra man gani katong sa migo niyang si Tangkag.(ayay... apil man ang ngalan)

daghan ug mga pangutana nga ang makatubag ang panahon ra gyud.. pero pasagdi lang ug hapit na.. paabuton nalang nato ang paglabay sa buwan ngadto sa Oktubre.. pyesta gyud ni kay Octoberfest gud!

Congratulations in Advance bai Tibo!

King Byoks

kahinumdoman nato tanan ikaduha na ning pagbutang ta sa kasaulogan sa adlawng natawhan sa atong katribu. ang dili ko hikalimtan kay ang atong amigo nga insik nga naa kuno siya atong gabhiona apan wala mamantala dinhi bisan ngalan lang kuno. karon ato siyang hisgutan aron dili pud ta niya makalimtan bisan sa gamay nga paagi. bai insik/pikot/kevin/ting o unsa man gani ang ngalan nga imong gigamit karon ug kung asa man ka nagtagotago(pamasin rani akoa nga nagtago-tago ka tungod kay pinangita ka sa mga ginikanan kinsa mga anak imong gibinlan ug similya aron pagpalambo sa chinese community diri sa cebu). hina-ot nga maka tunga ka sa mga uma-abot okasyon ug kay kahibalo man mi nga duna kay higayon permi sa pagtuslok, hinaot naa pud kay gamayng higayon sa pag-ibot ug pagpakita diri sa atong mga ka-tribu.

dili ko lang kaayo palabian ug butang ang kabahin nimo ting diri kay King Byoks man ang title dili man King Gaon. tuod man, sugdan ko pagsaysay ang nahitabo niadtong gabhiona sumala sa ako nang naabtan.. ug kung si SK nagbuhat ug unsang milagroha sa wala pako aw.. swerte kaayo siya. wahehe..

akong naabtan si Ekloy, Fe(kapikas ni ekloy), si Sk ug Epol(dili kapikas ni sk).. pasagdi ko nga ako ni tukion gamay ha.. kung si Fe kapikas ni Ekloy, unsa man ang mabilin ni Ekloy nga naa man pud to siya'y kapikas sa una nga nawala na??? libog ko dah.. naa pay lain ay.. kung si Epol dili kapikas ni Sk ngano kuno nga si Sk parehas man ug gaw ni Epol usahay. tsk.tsk.. samot nuon ko kalibog dah..

padayunon ta, silang mga nahisgutan humana ug kaon gawas ni Epol kay kini gud bayhana dili mohunong ug kaon hangtod nga naa pay pagkaon sa lamisa pero kay gibalhin ni birthday boi ang kaon sa taas. mao nga naa mi naabtan ni Roxie ug ni Isyot. tuod man kay naka kaon naman kung daan gamay sa amoa kadali ra ming nahuman ug nanganaog dayon me. wala magdugay milabay ang managtiayon nga si Maykel Bering ug si Lulo(pasensya sa spelling.) ug pagka taod-taod ningbalik rasab dayon ug sa kasagaran nga panghitabo ang pagbalik nila ni Maykel Bering ug kapikas mao pud angpag wagtang ni Kid. ang ako lang gikahibudngan nga naglami naman unta to ang mga kanchaw aw storya diay ningsibat man si Maykel mura man ug naa sila nakalimtan nilung-ag o di ba kaha nakalimtan nga hipuson o labhan. hahaha asa naman ni padulong storyaha oi.. pero sa ulahi nako nakabantay tungod diay sa niabot nga mga ngilngig dili ngilngig ug lawas kay naa man pud si Teban.. ngilngig nga mga abilidad bah.. si Tatay Glen ug si Teban ang niabot nga si Maykel nahisama sa tulisan nga nakakita ug pulis tulin kaayong mipadagan sa motor aw dili lang tulisan atong e example, kanang kuan lang. mura ug manag-uyab nga dunay gihimong krimen sa ngilit nga ngitngit unya naabtan sa gwardiya. waheheheheh... basin jud tinuod ug naay nahimo nga dili gusto mahibaw-an sa partner.waheheh...

ang among pagcelebrar sa okasyon natapos tungod sa kawad-on. wahehehe.

wala jud tawn pansina ni Sk ang daga sa iyang luyo.

pangita-a ang ebedinsya sa naghurot sa pancit?? dili ang tiyan oi.. na'y ang simod ay.. nagmantika pa sa pancit.. naa na xa partner sa krimen nga nahimo si roxanne. utro pud gamantika ang simod pero dili tungod kay sige'g kiss ug tambok kun dili tungod sa paghurot sa pancit.