Life's Cycle

"dili ta parehas sauna nga kusog pa kaayo ta, karon kay luma naman ta" wala ko kebalo kung nganong nalibkas ni ni Sk nga pwede man unta kaayo siyang maka ingon nga, "nayab-an man gud ug beer".. hahayzz!! matod pa ni MaykelBering, "naunsa naman ka paw oi, mura man ka nibalik pagkabata".. gidugangan sa utong utong nga pagkatawa.. ako gapugong lang sad ko kay lisod na ug makasugod sad ko ug bahakhak kay dili na unya ko maundang. harharhar

mao na ang climax sa nahitabo atong tungora sukwahi sa kasarangan nga mahitabo nga ang kalami sa storya naa sa tunga-tunga nga bahin sa dili pa matapos ang tanan. (pero dili man kuno sa storya ra nga ang kalami naa sa tunga-tunga, pulong pa sa akong migo nga si Tibo. unsa kaha iyang pasabot ana noh?)

kani gyud si Byokings, abtik jud kaayo nga nakabantay ba sa dihang namalhin me sa among giimnan gikan didto sa sala nila ni Ekloy padulong sa ilang tugkaran. gikan nga namisbis sa tanom si Sk pero pagbalik niya mao gyud ang namatikdan ni Byoking nga basa kaayo ang pundidohan ni Sk, dayong sulti ni Byoking, "hoy, undoy kaihi man gud ka sa imong purol" pero sa akong pagsabot ato usa ra kadto ka binuang ug dili gani panagat pero kay gitubag man ni Sk ug ingon ato nan namao na gyud hinuon ang giingon ni Byoking. harhar kaihi gyud diay sa purol.. harharhar..  unya kay nakainom lagi si Sk, nagkalain lain nalang sad iyang mga rason sa nahiaguman niini. naay bus-aw nga iyang gilitok, naa po'y pisik ug naa po'y wa natiwas unya gihipos na.. pagka aligre..  pero si Byoking, ang iyaha kay nakaihi jud si Sk.

sagdi lang Sk ug mag-ingon si Byoking basta kabalo ta nga  ............................................................................................................................................................... tinuod bitaw! wahahahaha! ^_^ bilib pud ko ni Sk ug sa tanang mga tribuyarok (tanan na na siya kay dili naman mopunit dayong buak sa long neck si Byoking) mo katawa naman sab siya.

"... a smile is the best way to get one out of trouble, even if it is a fake smile." - ako ning nabasahan, kalimot nalang ko unsa to nga libro.

ako nalang ni tapuson diri karon ug sa sunod napud nga round ang imong tagay Sk. imo nasad ang tagay Sk...  si Byokings man ang tanggero gud. ^___^

nabungog ^_^

ayzzzz... pasensya na jud mo bai nga dugay nang wala nay bag-ong kausaban sa atong gamayng payag. sa tinuod lang hangtod karon bangog pa gihapon ko gumikan sa tagay sa akong adlawng natawhan.. pero akong gihunahuna ug maayo, gamay raman jud to atong nainom kay bisan ug unsaon pud nako ug hunahuna gamay raman jud akong kwarta aron igasto ug dako nga inom.

taas taas gyud nuon ko ug bakasyon bai.. gani nakahigayon ko ug bisita sa among probinsya lugar sa akong gwapa nga inahan ug uban sa akong mga kabanay ug kapikas. ahem! ^_^ pero mao pud lagi.. pag uli nako naglain man akong tiyan.. matod pa sa akong pag-umangkon sa pag-agawan.. "masama ung sikmura kasi nagtatae si tito fel" atot oi! pero karon nga okey okey na akong tiyan.. ako nasad ni paningkamotan nga makabalik ang atong gamayng payag. ang mga bag-ong kausban sa atong tambayanan sa kawanangan mapatik sa mga umaabot nga semana. ang bahin sa akong adlawng natawhan ug sa anak ni tatay... tingali ug duna man koy mga kasaypanan sa ako unyang mabutang, ayaw ug kaulaw sa pagpadayag sa inyong gusto. ug kung naa man gani mo'y gustong ibutang sa atong payag ipadala lang sa e-mail add. tribuyarok@gmail.com

ako e post ang inyong nasuwat nga artikulo kabahin sa atong grupo.. pde attachment pde sad inyo ibutang diritso sa e-mail.

sublion ko.. pasensya sa dako dako nga langan sa pagmantala sa mga nanghitabo sa milabayng buwan..



mapaubsanong nangayo ug despensa,

- abdul

Eve of Abdul's Beerthday! (silver celebration)

ika 25 ka tuig nga kasumaran sa adlawng natawhan ning tig mantala ning atong gamayng payag. Daghan pud ni siya ug issue ug daghan pud nga mga panghitabo gawas ug sulod sa tapokanan sa tribu. haha.. dako akong pasalamat nga bisan akong adlaw nga natawhan ang gisugat sa pagsaulog gabii.. dili ako ang sumsoman pero wala gyud hinuon ko makaikyas sa mga labtik ug witik sa dila ni tatay.. gikusikusian pud ba pero mas maayo nalang na ug kahibalo man sab ko nga taas pa ang oras sa pagsadya, pag-agik-ik ug pagsabasaba kay ang tinuod karon pang pipila ka oras nga moabot magsugod ang tinuod nga sangka. hahaha! Kani man gud pud si Tatay, tagsa rang motapok sa tribu kay tagsa raman sad makaipsot ni Nanay pero imo ba siyang makompara sa usa ka bulkan.. kanang natulog pa nga bulkan kay sa pipila ka tuig anang pag umol ug mga nagbagang issue aw kayo ug bato inig buto ani tagsa pud ka rehiyon ang madeklara nga "state of calamity".. mao pud ni si Tatay.. hikhik! nakaipsot kay mo palit ug pan unya ang iya raba kunong himuon nga rason kay si Sk nga duna kuno'y problema kabahin sa usa ka daga..(dugaya na anang problemaha oi). Hinuon dako ang atong paabuton gikan ni Sk kay naa naman say nasaytan pero layo raba dah. Balamban kuno! ayay.. dili kaha na rebelde Sk?

Si Byokong na mibati napud ug gugma sa ikaduha nga higayon mipakita man sa iyang kamantas nan kinahanglan niyang ipakita ang iyang pagkamapinanggaun ngadto sa daga.. hayyzzz dapat dili nimo dalion brod.. hinay lang kanang natural lang nimo bahh.. ug ayaw hinganli ug danghag ang umaabot nimong ugangan. pastilan! nidalikyat pa raba jud ug pamiga gabii didto sa a.lopez.. abi gud nako ug dili maibot!

Si Isyot, nga wala gyuy kahupasan ang akong bilib aning bataa.. ni sponsor na sad ug 2 ka putos nga toccino bisan pa ug nauwahi siya kay gikan man siya sa iyang lakaw. "Galing kasi sa meeting eh", pulong pa niya nga misugat sa storya sa tagay.. Ano kaya pinagmemeetingan nila noh?? ay takdan nuon ko dahhh.. Usa sa pinaka importante nga taw nga maoy ni duga ug maayo sa pagsugat sa akong adlawng natawhan mao jud si MaykilBearing... kinsa na siya?? kato bang natulog didto sa kutson nako pag November 1.. katong natugsay ug kalit.. mao na siya. haha Salamat kaayo bai! gikan gyud sa kinauyokan nga bahin sa akong kasing-kasing, tinuod ug timawa gayod nga nagpasalamat ko diha nimo. Salot ko nimo.. dili pud ko mo tira nimo karon diri.. (kay mana man ^_^) ug salamat pud ni bai Harold nga niabot ug niambit sa atong gamay nga panagtapok!

Si Ekloy nga kalit lang mibutho ug kalit ra pud nga nahanaw.. salamat kaayo sa imong pag-ambit bai.. bisan ug nipabuhagay ka sa imong gibati ngadto sa kasilyas nila Byokong ug hinaot nga wala nabuhagay ilang iniduro. Daghan kaayong salamat ninyong tanan bai!

Dili pa ni mao ang tapos kay sugat paman ni siya.. naa pa gyud ni siya'y sumpay.

Byoking's BEERthday

Sumad sa pagkahimugso ni Byoking. Basin makaingon ka nga puro ra sakit ug dugo sa iro ang iyaha. haha! Mao ni matawag jud ug survivor kay bisan asa na nga dapit gilabay pero nibarog lang gihapon taliwa sa mga hagit sa kinabuhi. Dili pud nako malimtan ang mga gabii ug kadlawn nga niunong ni siya nako sa paglumos sa problema ngadto sa kinailawman nga bahin sa akong hunahuna. Dili jud nako malimtan ang mga gabii sa 5 years ug ang chaser nga redhorse. ayyyzzz.. pero karon kung ako lang huna-hunaon hang naman kaayo bisan sa huna-huna lang.

Gabii, among gisaulog ang iyang beerthday, among gisugat sa pagkatawa ug pagkaon ug pag-inom. Sadya ang panghitabo bisan pa ug giapas ko sa akong mama. ^_^

Kapait jud.. mao ra unta ni tin-aw ug kuha nga hulagway sa atong birthday boi pero naalihan sad sa screen. Pero kahibaw ko nga naanad namo sa atong mga picture diri kay pobre man ta unya ang atong amigo nga naay kaya, ang atong official photographer kay nisuol man aning higayona.. basin karong gabii na siya mag picture picture. haha!

Agwanta ug maayo, tas-i pa ang inyong pasensya sa kalidad sa atong mga hulagway ani atong gamay nga stambayanan.

Unsa man buntag na? Basin nagtuo mo nga nisubang nasad ang adlaw.. Mao pa jud intawn pag sugod namo ug inom sa beer aning higayona pero kadlawn pana.. nabuntagana man gani mi pero wala na si Sk kay niuli man siya tungod lagi kay naa pa siya'y tulumanon inig ka sayo sa buntag.

Si Isyot, ang sponsor nato aning gabhiona nga midalikyat ug sibat sa ilang toccino. haha! Ana jud bai! Matod pa niya Beerthday gud.

Agay! pasinsya na beerthday boi! bati ka ug kuha diri pero okey rana bisan sa personal bati man sad. awtch! sorry, beerthday man diay nimo wala kay apil sa bunot. haha! Ako lang ipasabot sa wala aning aktoha ug sa mga wala kasabot sa imong ekspresyon... nag smile ka diha ug ni posing sad ka kay para sa friendster. ^__^v *peace* Sa dili pa ni nako taposon, mangayo ko ug despensa ni AteApol nga wala naapil sa hulagway. Manabon man gud pud ka sa imong nawng TeApol dili ka parehas anang nawng sa ibabaw. Manggiuwawon ba pero gamay ra! haha...

Nagdugay ang tagay, bisan hurot na ang sulod pero nibarog gihapon ang botelya sa beer. Ingon ani ang Tribu Yarok! Wala gisaad ang spaltado nga dalan para sa atong panaghigalaay ug bisan man daghan ang libaong sa atong gilatas nga dalan, mobarog gihapon ang Tribu Yarok!

HAPPY BEERTHDAY BYOKINGS!
Greetings from the rest of the group.

undas`07

"it is better late than never." Dili ingon sa pagdepensa sa akong kaugalingon ang hinungdan nga mikabat pa ug walo ka adlaw usa pa napatik diri. Busy ang TribuYarok human sa adlaw sa mga santos ug minatay.. ang uban, tua sa baybayon ug ang uban nag palawod. Si Ekloy, nga mao ang opisyal nga mangingiyot aw maniniyot busy sab sa iyang personal nga kinabuhi.

Akong sugdan sa nahitabo nianang sayo pa sa buntag sa unang adlaw sa Nobyembre. Si Sk, Byoking ug si Ekloy niagi sa amoa gikan nga nangaun ug pungko-pungko. Pagbangon nako ug padung na unta ko nga mosulod sa banyo aron sa nagtapun-og nang hugaw nga tubig sa akong pus-on, mao jud ang nisugat sa akong gimuta pa nga mata si Sk ug si Byoking nga nag tungko sa lingkoranan sa among nataran ug dayong ingon ni Byoking nga, "diin man ka pag-uwan?" ug yamar pud ni Sk nga, "nihapit me diri dul pero tulog man ka." Ako lang pud sila gitubag nga, "Sayoha gud, unsa man sugdan na nato?" Andam naman diay kaayo to sila sugamak nuon ko. hikhikhik... Ako dayon silang gipasulod sa amo dayon gipasaka sa among dos andanas nga payag. naa man poy giingon nga veranda sa mga adunahan pero sa amo gitawag na namo ug kayda.. Mipagawas dayon si Sk ug ube gikan sa iyang bus-ok kaayo nga pitaka.. ayay! wala pa siguro to nakapamurikat human sa ilang sweldo. *peace*

Misugod na dayon ug kamang si Byoking este lakaw diay oi.. gisugo siya ug Gran Matador ni Sk pero sa dihang nabalik na si Byoking ang gidala kay ang giingon ani nga "Dennis Trillo".. Naguba tawn gamay ang nawng ni Sk kay tab-angon man kuno ang Generoso kompara sa Gran Ma.. hayzzz (lain lain naman sila ug lasa sa mga bino) Si Ekloy nisaka sa amoa ug ako nagmaniho sa ice nga gamiton ug nag-andam sab sa tubig... ug unya gisugdan na sa pagtagamtam ang katab-ang sa Generoso pero halang man gihapon kaayo ni para nako oi. ako gipatukar ang mga sonata nga gi request sa akong mga barkada ug kay tungod wala pa may anthem ang TribuYarok dahhh pusot-pusot ang mga kanta kadaiya lang naa disco naa poy alternatibo. Si Byoking, nidalikyat ug gamit sa kompyuter ug ni chat dayon sa mIRC ang bao, nagpunay nalang ug pass sa tagay unya abtik kaayo nga nagsige ug tuplok sa mga litra diha sa keyboard ---chatters naman gud kuno siya, matod pa sa bag-ong niabot nga si Tatay. Sayang kay wala makuhai ug hulagway si Tatay ug ang among kinugos si baby Danica.. Si Ekloy nga mura ug tanggolilong motunga unya mawala nasad unya naa nasad mipahibaw nga maligo sa siya, ang ukoy kay magpabukid man diay ato sa iyang palalabs.. (bukid diay to sa Kuwait?) Awtch! Asa diay kaha nga bukid kay sa akong mahinumdoman maghabal daw siya sulod sa pipila ka kilometros ug sa dili pa na moabot sa iyang padulngan.. ahak! suya pud ko oi.. wala pa gani naabot habal na dayon.. ikaw kuno, dili ka masuya ana? Si Tibo gani nga hinanok man kaayo siya, pero ambot sad ngano.. haha ato ibalik sa atong topic. Si Tatay, niinom pero iya pud gipalingawlingaw ang bata, nya gidalhan man pud ni Ekloy ug kinawat nga plastic balloon.. (luoy kaayo si Danica, bata pa accessory to the crime na) unya si Tatay, nikalit lang ug kahanaw pero nananghid diay kuno ako ra ang nalipat.. Samtang, nag chat si Byoking iya diay giilad si Wilcabs ug gihaylo lang sa tulo ka kilo nga baboy. hahaha pero ang gihikay tinuod ato ni Byoking diri kay bam-i ra jud tawn inubanan sa gidala ni Pablo nga biko. haha adlaw sa minatay jud kay nag biko man.. niabot si Wilcabs, kaluoy tawn wala na jud nabilini sa tulo kuno ka kilo nga baboy. haha ang hinampak nga bogwak ni request pa raba jud ug ice tea unya wala diay niinom, nangita ug beer. haaayzzzz pero ingon man sila nga sosyal ang mga chatters... adunahan man gud na sila si Wilcabs, makaingon jud ka nga hayahay sila pagkabutang ba kay naa gud sila didto sa Talisay puyo unya hangin kaayo ug lab-as pud ang hangin nga gikan sa dagat, imo pa gani matilawan ang kaparat niini. Lain sad ato bah.. kay naghisgot naman ta ug butang.. ang daot nga si Pablo, midalikyat man pud diay ug dagan sa tomoy kay mopalit ug butang para kuno nila sa iyang kuya. atot jud ning bata-a oi.. ug unya sa hapit nang mobiya si Ekloy miabot pud si Bering... pero anang mga higayona, alingog-ngog na kaayo tungod sa request nga dili na lagi pagamiton si Byoking sa kumpyoter kay nagpunay nalang ug tuslok ug wala na moinom. Tuod, man akong gipaundang wala naman sad siyay ika-abang.. ahihihi.. pero wala jud kabuong.. gadownload ug iyang mIRC ug gisapaw sa akong full installation ang iyang trial nga nadownload.. atot jud oi! pagaksyon ug panungod sa adlaw dungan sad ug kahanaw ang panagway ni Wilcabs ug ang kainit sa mitutok nga adlaw ug si Ekloy nagbilin nalng ug pipila ka kuha sa camera.

clockwise: Byoking, Abdul, Bering, Pablo, Ekloy ug Sk

ay mavuang ko sa imong posing Sk oi... it is supposed to be a whacky pose! Pero okey ra cute kaayo ka diha. ^_^v

atot oi! Abdul, Bering, Pablo ug Sk

clockwise: Byoking, Pablo, Abdul, Ekloy, Bering ug Sk

Ah hayahaya namo naa man me cake sa Goldilocks! Maayo unta pero para man daw na sa adtoan ni Ekloy, sakto rasad na oi.. dili raba lalim ang habal sulod sa pipila ka kilometros. ahaha! Pipila pud ka oras human namo mahurot ang gi request ni Wilcabs nga Gran Ma pero si Sk, niligid na sa usa sa lingkoranan naigo na kuno siya. Galibog ko unsa ang nakaigo niya ang among gipatukar nga mao nakapahinuktok niya ug kadiyot o ang amo bang giinom.. pero wala nako giwagtang ang posibilidad nga nagdungan ug igo niya ang mga pulong nga iyang gilibkas nga maoy among gipatukar ug ang kahait sa bino. Nagpalit me ug RedHorseBeer ug amo gisuwayan ug pukaw si Sk pero unya na kuno siya bisan unsaon namo ug pukaw bisan pa ug gikumot na ang itlog niini igo lang mo buka ug gamay ang mata unya dayon nasad kapislok.

Among nakuhaan ug hulagway ang pagka nak-awt ni Sk pero pasinsya namo sa kalidad tungod kay webcam naman lang ang gamit ani gud unya suwaw pa gyud kaayo ang ulo ni sk aw este ang adlaw diay.

Aha! ikaw diay to Byokinga ka ha! Binuang jud ni dah! hikhikhik ana jud na Sk kay nak-awt man ka! ^_^v *peace bai*

Nimata na si Sk, sa dihang gainom na me ug ubay-ubay kay amo man gipangita ang among biga-on nga barkada si Tibo ug luag sa iyang dughan nga niboluntaryo si Bering nga siya ang moapas sa iyang suod nga higala nga si Tibo. Samot na mi kalingaw, labi na nga mipakita na sa iyang kahanas si Tibo ug niabot sad ang usa namo ka higala nga mitipas ug laing dalan si Kiko. Lingaw jud kaayo kadtong adlawa gani ila man jud kong napugngan sa pag adto sa balay sa akong miga.. pero niadto jud ko sa ug dayon bisan ug lawm na kaayo ang kagabhion.. Dungan mi ni Kiko kay mopauli naman pud siya atong higayona.. ang among desisyon ato kay moadto pa unta sa menteryo human me nag-inom sulod sa among dos andanas nga payag.

Ayay! wala na pud ko kabalik ug stambay didto sa ilang Byoking dah... nakit-an raba to nako si Tibo nga nagtungko didto sa milabayng mga gabii! Pasko nasad atong atngan bai... ug ang mga aligre nga panagtapok natong diha sa atong stambayanan!

Just Another Ordinary Night ^_^

usa ka gabii, dihang napul-an ko ug tuplok-tuplok sa keyboard sa akong computer nilaag ko didto sa among istambayanan, ang tindahan ni byoking. naabtan nako nga nagtapok sila si MaykelBering, Sk, Talvin ug si Byoking. nagtagay diay sila ug red horse unya gipaapil ko nila sa ilang inom. milabay ang pipila ka minuto o oras ba kaha to, dili naman gud ko sure kay nalingaw man ko sa among istorya-istorya... nibutho ang among usa ka amigo nga si Isyot dayon si Ekloy pud ug si Igso na nisamot na hinuon ug kaaligre ang tapok kay harian man si Ekloy unya wala magdugay niabot sad ang kinaham ni MaykelBering nga amo sab nga barkada si AteApol ug ang iya kunong Friend nga si uhmmm... na sorry jud ato niya kay nakalimot ko sa iyang ngalan. si MaykelBering nalang akong pangutan-on unya kinsa to siya kay dili man jud to niya kalimtan, nagkagot na gud to iyang ngipon nga nagtan-aw lang. hayyyzzzz... Si Ekloy wala lang kay nibangka ug istorya, nibangka pa jud ug usa ka kahon nga redhorse unya gisigi pa jud niya ug sabong si Isyot ug Talvin, nga duna diay kagahapon. nagkasumpaki man diay ni silang duha pero dili ko sure sa hinungdan basta sa ako pud nahibaw-an partners in crime man diay ni sila.. labi na sa ilang nightly business unya syempre ilang talent manager nga bantugan nasad kaayo anang butanga nga si Byoking.

Nagdugay ug naglami among istorya, wala namo nabantayi nga naglami napud diay silang duha..

(pasensya na sa kalidad sa hulagway tungod na kay ngit-ngit naman ang dapit unya celfon rasad ang gamit ana unya baratohon pa jud dili hi-end)

Mao na siya, ang kanang dili kaayo maaninaw nato nga hulagway dapit sa wala si Bering na nga wala na jud tawn makalingi ug balik sa ice nga iya untang buluhaton anang tungora nag sige nalang na siya ug atubang sa among amiga nga si AteApol. Si Ekloy maoy nabalaka ana niya kay basin kuno ug matulingig siya bah.. pero dili man jud mopatuo man dili man sad me makapugong mao mana iyang killer move ang ligis tirada niya bah. haha

Ug unya sa lain sang bahin nag heart to heart talk sad ang among gunner nga si Sk ug si Talvin.

Ana man jud mi ug magkorom kay mag atbang-atbang dayon bah para sad kuno dili lisod patuyokon ang baso.. bugnaw raba kaayo ang beer aning tungora kay naa juy ice nga ibutang bah.. mura lagi ug distilled water lagi.. lahos lang diretso sa tiyan ang beer.. ahhhhhhhhh... (giuhaw nuon ko nga naghuna-huna ato dah)... da oi da oi.. unsa pud kaha na ilang giistoryahan sa.... secreto siguro nah.. Samtang nagdugay na among tagay ug panagistorya tungod sad sa pagkahanggaw ni Ekloy nga moantog nasaba na hinuon mi, nagpunay nalang mi ug bahakhak didto.. unya gibanlong na hinuon mi sa mama ni Byoking kay saba naman kaayo. Samtang nag heart to heart talk pa si Sk ug si Talvin, unya wala na jud nabali ang pagtan-aw ug paminaw ni Bering didto sa wala nga bahin niya, ug si Ekloy nag sige pa ug bunot sa ngalan ni Isyot nga gi abibahan sad ni Byoking. Akong gikuhaan ug hulagway si Igso nga nagpahipi kay hadlok makaligo ug ihi unya wala raba jud mikaon sa chicharong baboy nga gi andam ni Byokings ug didto nagmantinir ug usap sa litson manok.. ahhh lamia sa mga sumsoman sa mga tibaghak ah.. hikhikhik dili nalang nako isulti ug apil ang boy bawang kay mahalata na nuon unsa among gipangsumsoman..

kung inyong nabantayan, naay naapil nga hulagway nga wala pay deskripsyon... kanang tambok nga nawng nga wala na nasakto sa camera ako na unya kanang nipusing ug maayo si Byokings nah siya mao na iyang posing nga nagsignal ug come here sa iyang mga kleyente.. diba siya man ang talent manager nila ni Talvin ug Isyot? usa sa iyang kleyente ang si William usa ka prominenting taw sa eskina alopez. ^____^ peace mga bai!

Nahuman ang among ordinaryong panagtagay ug kataw-anay sa dihang nahurot na ang katapusang tulo sa botelya sa beer ug nilakaw na sab sila si AteApol ug iyang Friend!

ang bunga.. Kiasha Mae ^_^

si epol ug si isyot... nagpabunyag sa ilang anak nga si kiasha mae.. hayyzzz.. ka nindot sa ngalan sa bata. maayo gani ug wala na polsyot o di ba kaha epsyol.. hahaha... anyway, its not the name that i wanted to talk about here.. (wOw! englis to ha)

alas dyes sa buntag ang gitakda nga oras sa pag bunyag sa bata pero pipila na ka minuto ang milabay ug nagpaabot pa gihapon me didto sa lawak dili layo sa simbahan. ang akong kadungan nga si byokong mao ang bugtong suod nako atong higayona gawas sa mga ginikanan kay si byokong ni pilot man ni sk kay busy lagi sa iyang mga babaye. sa dihang mibutho na ang pari luwan sa iyang nindot nga sakyanan(hinaot nga dili kini bunga sa mga halad sa taw) nagkayo kayo daun ang agi nga mura ug wala pa gani sugdi gusto na niyang matapos kay naa pa siya gipadrayban nga lamisa sa mahjong. oops! sa dihang gisugdan na ang ceremonyas sa sakramento sa pagbunyag nagtapok nami didto sulod sa simbahan ubang ang pari ug ang iyang sidekick nga si robin este hesus diay.. nagtubag-tubag mi didto kay mao man ang gusto sa pari nga dunay partisipasyon sa mga ginikanan ug nangugos. wala naabti ug 30 minutos ug nahuman na dayong ang bunyag pinaagi sa pagbubo ug tubig sa ulos sa bata ug ang pagkoros sa ginikanan ug mga ninang ug ninong niini didto sa agtang sa bata. pacenxahe ko kung dili ko kini kapugngan sa pagsulti kay nahibung man gud ko nga ang kahimanan sulod sa simbahan sa pagpatuman sa sakramento sa bunyag pitsil man nga plastik.. mura man ug tagayanan to ni padre damaso sa subra nga mompo. hayyzzzz bisan lang unta ug tingga ang gamit ba.. atong padayunon ang istorya, nagpahulagway mi didto sulod sa simbahan ug si byokong sige pajud ug panaway nako nga dili ko kebalo mo kuha ug picture kay ako man ang gitahasan sa kadiyot nga higayon aron sa pagkuha ug litrato pinaagi ang "digicam". sus, ngan palang daan lisod na kaayo sabton ang si byokong sige pajud ug pakuyaw dili nalang mo oper sa iyang kahanas niini... bida jud boktota oi! dah! kasaway lang ta ug ahat. *peace* dihang mi disisyon na nga manguli human sa pagpahulagway sa mga artistahin ug artistahon dunay gamayng pakigbangi sa mama ug papa ni kiasha mae.. ambot unsa ilang gilalisan nga bunyag man unta to sa ilang bata pero mura ug kwarta ang hinungdan asa kuno padung ang sukli ug nganong dako ug natapal ang usa. butangi! atik ra na oi! ^_^ sa dihang diha nami sa sakyanan padung nga mopauli miingon si byokong nga unya pa sa gabii ang kaon, dul. agay! ang anaconda sa akong tiyan nag wild midaguok dayon ug mipatid-patid sa akong tiyan ang akong mga binuhi. nagkape ra biya ko sa akong pamahaw dah pero maagwanta pa hinuon kay unom paman kuno ka-oras ang paabuton para sa handa nga kaon.. nilabay ang pipila ka oras ug nahitabo ra jud ang handa... hayyyzzz eat and run raba ko atoh dahhh... diri ra kutob akong masulti kay sila raman ang nahubog.. matod pa ni sk nga nakamata siya sa tingod ni byokong nga mura kuno ug giihaw nga mananap. ambot sad unsa mananapa... ug matod pa sad ni byokong nga si sk kuno dili pud magpapuhal ug mipagawas sa iyang dugay na nga gitago nga abilidad lakip na ang iyang dugay na gitago sa kasing-kasing.. mao nay giingon nga, "if you can't say it, sing it".

lain pa sad ang ato, sa hulagway nga naa sa taas bah... samtang si epol nagkugos si bata si isyot sige paman sad ug reply sa iyang textmate oi. butangi! ^,..,^

Nature's Spring Beer

agoy! nahitabo ra gyud ang akong gipangayo nga makaapil sa celebrasyon sa kadaugan ni ekloy didto sa nasod sa mga pikot ug mata ang Tsina. naagian nako si mikay, byokong ug sk diha sa tugkaran sa tindahan nila ni byokong. nag inom sila ug red horse beer unya ila kung giagda nga moinom una pero mibalibad ko ug mibilin ug saad nga mobalik lang unya. pagbalik na nako nakatumba na sila ug tulo ka kabayo ug tuod man niinom pud ko ug apil. milabay ang oras sa inom ug istorya nananghid si mikay nga mopauli na sa iyang gisak-an nga balay ug unya milabay ang pipila ka gutlo mitingog ang cellphone ni sk. "tooot tototoooottt tott" sa iyang pagsusi niini nahibaw-an nga ang mensahe gikan diay ni mikay ug paadtoon kuno mi niya didto sa iyang gisak-an kay naa didto si ekloy ug si igso nag inom uban sa usa ka higala nila nga babaye. kami sad sa among tapok naka diseder nga moagpas mi ni mikay ug tuod man naabot mi didto. dako kaayo ang akong kahingangha sa dihang mao gyuy nisogat sa akong mata ang dako nga tropeyo nga naa nahimotang ibabaw sa lamesa. nakaingon gyud ko ug grabe si ekloy. pero wala magdugay ako gyud nga naaninaw nga dili diay kadto tropeyo usa diay ka container sa mineral water nga gipatong sa table top water dispenser pero ang sulod niini kay red horse beer. maoy among gitabangan ug inom didto kami ni byokong, isyot, sk, ekloy, igso ug ang babaye pero wala nilahotay si igso ug ang babaye kay dunay paman diay to sila'y away.. nanglakaw man ang duha ug nanolod sa kwarto nga namawng ug suga ug nagpatukar sa radyo ug kusog kaayo ang volume niini. sa akong bahin dili sad nako makaya nga hutdon ang maong ilimnon sa among gidaghanon.. dili naman gud ko hinginom unya wala na ko'y praktis.

ang ako ra gyud nga gisayangan atong hitaboa mao ang akong kapakyasan sa pagkuha ug litrato sa maong tropeyo ni ekloy.

"last nani nako nga tagay bai. naa pa koy obligasyon ugma"

medalya gikan sa tsina

Ang hulagway nga namantala sa ibabaw mao si ekloy, usa sa pinakakusog sa Tribu Yarok. Bag-ohay palang ni siya miabot gikan mitambong ug seminar ug pagbansay sa iyang kahanas matang sa kalamboan sa compyoter diin gipahigayon sa "the sleeping giant" ang nasod sa Tsina. Wala man ko kahibalo kung unsa gyud ang dagan sa iyang paglangyaw kay matod sad sa among kauban nga si byokong, nisalmot man kuno ni si ekloy sa gipahigayon nga "qualification round" sa olympic didto sa nahisgotan nga nasod. Katuohan dili sad ang gipamulong ni byokong kay pagbalik ni ekloy dinhi sa Sugbo dunay may dako nga celebrasyon nga gipahigayon ug si ekloy ang nitubag sa tanang gastohan nga matod sab ni byokong gipabayloan kuno ang ug beer bugnaw ang bulawan nga medalya nga nasakmit ni ekloy gikan didto sa olympic. Kuwang ko sa pagtuo pero kay duna may mga panghitabo nga maoy gihimong proyba ni byokong, sama sa ang pagbali sa kibot ni byokong human sa ilang kinahon nga inom sa bugnaw nga beer ug ang pagshaget ni sk dha sa tunga sa dalan. Akong gihinuktokan nga hubog gyud diay sila ug kay dili man bastabasta nga mahubog ning mga mananapa, daghan gyud diay sila ug giinom. hayyyzz... wala jud ko kaapil ato dah.. tsk.. tsk.. maayo unta ug duna pay laing celebrasyon nga mahitabo o sumpay man lang sa ilang celebrasyon.. syaro ug barato rasad ug dawat ang bulawan nga medalya ni ekloy.

Ang pagpaso ni Pablo

Taas na ang adlaw sa dihang niabot ko sa simbahan diin gipahigayon ang panaghiusa ni Pablo/Rehab ug Julieta sa altar sa kaminyuon. Agusto dise otso y dos mil syete, alas otso sa buntag ang ceremonya nga nahitabo sa Lourdes Parish, Punta Princessa. Hapit na alas diyes sa buntag ug taas na kaayo ang adlaw sa dihang natapos ang maong kasaulugan ug kay naulahi man pag-abot ang maniniyot sa Tribu Yarok mao nga pagpanggawas nalng nagkasinabot sa pagpahulagway uban sa mga familyar nga mga nawng sa among lugar..

(l-r: kervin, bering, abdul ug byokong)

(l-r,t-b: ekloy, igso, bol, byokong, linda, abdul, kervin ug bering)

(l-r,t-b: igso, bol, kervin, linda, bering, ekloy, abdul ug byokong)

Human niining mga pipila ka posing, mideritso me sa Ma. Lina Catering diin didto mipakita sa tagsa tagsa nga abilidad ang mga meyembro sa Tribu Yarok.

(ako lang ipuno ang wala na apil ganina si kenji kuno ug si erika)

Mao na si rehab ug julieta, bag-o pang gikasal pero naa nay pundo daan. Hurot akong bilib aning tawhana.. Wala mi laing gibuhat diri gawas sa pagpangaun ug unya midesider nga molahos na sa balay nila ni Rehab ug ang uban gusto nang mouli kay mamista unya ang uban kay molangyaw pa sa laing nasod. Balik ta sa ato jud nga sugilanon ug didto milahos nami sa balay nila ni Rehab..

Akong paspasan ang storya kay nisakit naman akong kamot ug tinuslok sa keyboard.. Ako i post ang ubang hulagway ug kamo nalng sumpay sa akong gisugid ninyo.. ^_^

si wilcabs ug byokong ang kinakusgan sa matang sa chix pero kanang duha kay apil ra gihapon na sa tapok mao nga dili na pwede ang hangyo. ^_^

(l-r,t-b: sk, kervin, abdul, kiko, byokong, arot, apol ug bering)

suya si sk gatan-aw nilang bering ug apol.. nyahahaha... okey rana siya kay barkada raman na. wala na sila'y unay.. uhu.. wala ba jud bai?? ^_^

Kinsa manang artestaha?? Kaswerte sa babay gud... Sikat na siya michaelangelo sa TMNT. Si pong pagong? Dili. Si kinsa man diay na siya? Mao na siya si Byokong. oi oi oi.. walay intriga kay barkada na sila... komedya ra na.. uhu... komedya raba gud na bai? ^^

Sinugdanan...

Tuig dos mil syete, adlawng Miyerkules, petsa baynte dos sa bulan sa Agusto. Nataw kining programaha aron sa pagpahibaw sa ubang katawhan sa kabahin sa among kinabuhi isip managhigala dili lang sa kahayahay ug lakip na sa kagul-anan nga among mga nahiaguman.

Ako si Abdul, usa sa haligi sa Tribu Yarok. Laumi ninyo nga dili lang kay kani ang inyong mabasahan gikan nako ug sa uban pang haligi sa Tribu Yarok. Naa man gani usa o duha kanamo ang walay higayon sa pagbutang sa ilang gusto ug dili gusto nganhi pero suwayan namo sa pagbutang ang ilang kaagi sulod sa Tribu Yarok.

- abdul